Шадар сайд С.Амарсайхан Эдийн засгийн форумын үеэр байр сууриа илэрхийллээ.

Тэрбээр ""Ковид"-ын хоёр жилийн хугацаанд боомт ямар чухал, эмзэг асуудал вэ гэдгийг мэдэрлээ. 40 гаруй боомтоос 4 нь агаарынх, бусад нь хуурай замынх байна. Хамгийн гол нь дотоод нөөц бололцоогоо ашиглая гэж байгаа юм. Импортоос хамааралтай асуудлаа шийдвэрлэе. Энэ бүгд боомтын үйл ажиллагааг сайжруулахтай холбоотой. Үүнийг шийдэх гол асуудал нь Боомтын сэргэлт. Замын-Үүд, Алтанбулаг, Ханги гээд байна. Хангийн төмөр замыг ашиглалтад оруулснаар хүчин чадал нь нэмэгдэнэ. Ойрын хоёр жилийн хугацаанд ачаа эргэлтийг сайжруулснаар ДНБ хоёр дахин нэмэгдэнэ. Богино хугацаанд үйлдвэрлэлээ нэмнэ. Хөрөнгө оруулалтын эрх зүйн орчныг илүү боловсронгуй болгоно гэсэн зорилготой байна. Төрийн зарим компанийг хувьцаат компани болгон, олон нийтийн хяналтад оруулна Иргэдэд хувьцаа эзэмшүүлэх боломжтой болно" гэв.