“Чингэлтэй фестиваль 2019”- зохион байгуулав

Чингэлтэй дүүргийн Засаг даргын тамгын газраас анх санаачлан 2013 онд “Хотын гудамж-Миний нутаг” нэртэйгээр эхлүүлж байсан Чингэлтэй фестиваль арга хэмжээ энэ жилийн хувьд “Монгол бахархал” сэдвийн хүрээнд зохион байгуулагдаж байна юм.

Манай баг Азийн аваргын шилдэг наймд шалгарлаа

3х3 сагсан бөмбөгийн Азийн цомын тэмцээн БНХАУ-ын Чангшиа хотод болж байна. Тус тэмцээний Б хэсэгт Австрали, БНСУ-ын багтай хамт орсон Монгол Улсын шигшээ баг хэсэгтээ нэг хожилтойгоор хоёрдугаар байрт бичигдсэн байна. Манай залуус өнгөрсөн жил аваргын төлөө өрсөлдөж байсан Австралитай дахин тоглохдоо 21:8-аар хожигдсон ч БНСУ-ыг 20:14-өөр хожжээ.

Нийслэлд тулгамдсан асуудлаарх санал гомдлыг “Явуулын оффис”-оор авна

Явуулын оффис ирэх долоон хоногоос эхлэн урьдчилан мэдээлсэн хуваарийн дагуу ажлын өдрүүдэд 09.00-17.00 цагийн хооронд тодорхой байршлуудад очиж ажиллах бөгөөд 7712-0000 тусгай дугаар дээр иргэдийн өргөдөл гомдлыг хүлээн авч холбогдох албан тушаалтнууд болон Нийслэлийн Засаг даргад уламжлан ажиллахаар болжээ.

Гурилын үйлдвэрүүдэд эрсдэлийн магадлагаа хийнэ

Эрсдэлийн үнэлгээгээр хорио цээрийн шаардлага хангасан гурилын үйлдвэрүүд цаашид БНХАУ-д улаан буудайн болон хөх тарианы гурилаа БНХАУ-д экспортлох нөхцөл бүрдэх боломжтой болох юм.

Үхсэн малынх байж болзошгүй 20 тонн мах цехдээ хадгалж байсан хятадуудыг баривчилжээ

Хяналт шалгалтаар гарал үүсэл нь тодорхойгүй, хүнсэнд зориулан бэлтгээгүй, мэдрэхүйн үзүүлэлтээр үхсэн малынх байж болзошгүй, 20 гаран тонн үхрийн мах байсныг илрүүлжээ. Тус махнаас дээж авч лабораторийн шинжилгээнд өгсөн байна.

Архины хамааралтай тэнэмэл иргэдийг албадан эмчилгээнд явуулна

Сүхбаатар дүүрэг дэх Цагдаагийн нэгдүгээр хэлтсээс орон гэргүй тэнэмэл иргэдийг архины албадан эмчилгээнд болон эмчийн үзлэгт хамруулж, Зөв амьдрах ухаан төрийн бус байгууллагатай хамтран нийгэмшүүлэх ажлыг хийж байгаа аж. Урин дулааны улирал эхэлсэн энэ үед иргэдийн амарч явахад аюулгүй байдалд нь эрсдэл учруулахаас гадна олуулаа нийлж архидан согтууахыг таслан зогсоох зорилготой гэнэ.

Д.Эрдэнэбилэгт холбогдох шүүх хурлыг хойшлуулсан байна

Нийслэлийн прокурорын газраас Д.Эрдэнэбилэгт цагдан хорих, таслан сэргийлэх арга хэмжээ авахуулах тухай санал ирүүлснийг Сүхбаатар дүүргийн Эрүүгийн хэргийн анхан шатны шүүх хүлээн авч эхлүүлсэн. Түүний өмгөөлөгч Б.Даваажанцан шүүгчээс татгалзсан тул асуудлыг тухайн дүүргийн ерөнхий шүүгч хянах хүртэл хугацаагаар шүүх хуралдааныг хойшлуулсан байна.

Зургаан сарын 10-наас зуслангууд ажиллаж эхэлнэ

Жилд дунджаар 20 мянган хүүхэд нийслэлийн ногоон бүсийн зусланд амардаг гэх судалгаа бий. Тэгвэл энэ жил 20 зуслан үйл ажиллагаа явуулахаар бэлтгэл ажлаа бүрэн хангажээ. Зуслангуудын нэгдүгээр ээлж зургаа дугаар сарын 10-ны өдрөөс ажиллана.

Г.Батхүү агсныг маргааш хөдөөлүүлнэ

Талийгаач Г.Батхүү агсныг энэ сарын 24-нд буюу баасан гаригийн өглөө хөдөөлүүлэхээр болжээ. Түүнийг Соёлын төв өргөөнөөс гаргах бөгөөд 05:40-07:40 цагийн хооронд талийгаачтай салах ёс гүйцэтгэх ажиллагааг зохион байгуулахаар Төрийн ёслолын алба ажиллаж байна.

“Улаанбаатар травел экспо 2019” үндэсний аялал жуучлалын үзэсгэлэн болно

Тус үзэсгэлэнг тав дахь жилдээ зохион байгуулж байгаа бөгөөд энэ үеэр иргэд аяллын маршрутын цогц мэдээлэл, аяллын даатгалын иж бүрэн үйлчилгээ, аялал жуулчлалын шинэ чиг хандлагын талаарх лекц хэлэлцүүлэг, 21 аймгийн байгалийн цогцолборт газрууд, рашаан сувилал, аяны хэрэгслийн талаарх мэдээллийг авах боломжтой аж. Мөн БНХАУ-ын цайны соёлын танилцуулга, БНСУ-ын эрүүл мэндийн аялал жуулчлал, Тайванийн төлөөлөгчийн газар гэх мэт авиа компаниудын шинэ аяллын маршрутыг танилцуулах юм байна.