Швед улсад болсон дэлхийн цомын аварга шалгаруулах пара цанын тэмцээний 12.5 км-ын зайд хурдаа сорьсон Монголын тамирчин Ц.Дашдорж тав, Б.Ганболд зургадугаар байрт тус тус шалгарлаа.

Монголын үндэсний шигшээ багийн дасгалжуулагч Ж.Дашдондогийн удирдлага дор тус тэмцээнд өрсөлдсөн тэд 1.5 км-ын спринт зайд Ц.Дашдорж 13, Б.Ганболд 14 байрт орсон байна.

Цаначин Б.Ганболдын хувьд 2021 оны 10 дугаар сард “Бээжин-2022” өвлийн паралимпын наадамд оролцох эрхээ авсан бол Ц.Дашдоржийн паралимпын наадамд оролцох эрхийг ойрын хугацаанд зарлах юм байна. Баг тамирчид цуврал тэмцээнд оролцож, энэ сарын 1-нд эх орондоо ирсэн бөгөөд  “Борчийн өргөө” амралтын газар тусгаарлагдаж, улмаар “Скай ресорт” цанын баазад бэлтгэл сургуулилтаа хангаж байгаа юм.