БНМАУ-ын Төрийн шагналт, ардын жүжигчин, ХХ зууны манлай дуурийн эмэгтэй дуучин Х.Уртнасан багшийн ажиллаж байсан Монгол Улсын Консерваторийн ХУДС-ийн дуулаачийн тэнхимийн 322 тоот өрөөг түүний нэрэмжит танхим болголоо. Тэрбээр Дж.Пуччинийн "Чио Чио сан" дуурийн Чио Чио сан, "Тоска" дуурийн Тоска, П.И.Чайковскийн "Евгений Онегин" дуурийн Татьяна зэрэг дэлхийн сонгодог дууриудын гол дүрүүдийг бүтээж, "Аав ээж хоёр", "Бурхан бумбын орон" "Учирнаа л гэдэг", "Үдсэн юм", "Болзоо" зэрэг олон арван дууг Монголын болон дэлхийн театруудын тайзнаа амилуулсан юм. Ард түмэн хойч үедээ "Чио Чио Сан", "Татьяна" дүрээрээ мөнхөрсөн гайхамшигт жүжигчин, сурган хүмүүжүүлэгч, профессор, дуулаачийн тэнхимийн эрхлэгч байсан юм.