“Шинэ Хархорум” хотын бүтээн байгуулалтын үндэсний хороо хуралдав
Шинэ Хархорум хотын бүтээн байгуулалтын үндэсний хороо ээлжит хуралдаанаа хийлээ. Тус хуралдаанаар дараах 4 асуудлыг хэлэлцэв. Үүнд:
- Шинэ Хархорум хотын шинэ нисэх буудлын байршлын судалгаа,
- Шинэ Хархорум хот хүртэлх авто замын төлөвлөлтийн судалгаа,
- Шинэ Хархорум хотын эрчим хүчний хангамжийн төлөвлөлтийн судалгаа,
- Шинэ Хархорум” хотын төлөвлөлтийн судалгаа концепцийг боловсруулах ажлын танилцуулга.
Хэлэлцсэн асуудлуудын хүрээнд Үндэсний хорооны гишүүд асуулт асууж, саналаа хэллээ. Хуралдаанаас Улаанбаатар хот – Хархорум болон Улаанбаатар хот – Өгийн нуур чиглэлийн авто замын трасс, Элсэн тал орчимд шинэ онгоцны буудал байгуулах судалгааны байршил, “Мандалговь-Арвайхээр” чиглэлийн 220кВ болон “Арвайхээр-Хархорин” чиглэлийн 110кВ-ын ЦДАШ-аар хангах хувилбарыг тус тус хэлэлцэн дэмжлээ. Мөн Шинэ Хархорум хотыг төлөвлөж, байгуулах газрыг улсын тусгай хэрэгцээнд авах ажлыг холбогдох хууль, журмын дагуу шуурхай зохион байгуулахаар тогтов.
![](http://uzeg.info/storage/posts/June2024/5xRgigWtrANKPpS2mbqz.jpg)
![](http://uzeg.info/storage/posts/June2024/m2X5IR32PXebiJMj25cy.jpg)
![](http://uzeg.info/storage/posts/June2024/mMg6zib7fsJ87TEoDtMu.jpg)
![](http://uzeg.info/storage/posts/June2024/c9py6vZzF0DyPMaU0mE9.jpg)
![](http://uzeg.info/storage/posts/April2023/7abq8F5g9k9ZQGKhexGQ.jpg)
![](http://uzeg.info/storage/posts/June2024/x6efWDnxcWNr0Fw5Nzk3.png)