Тэргүүн шадар сайд бөгөөд Эдийн засаг, хөгжлийн сайд Н.Учрал Franklin Templeton Global Investments компанийн Төв Ази хариуцсан захирал Мариус Дантай уулзлаа. 

Уул уурхайн долоо хоног явагдаж байгаа энэ өдрүүдэд хөрөнгө оруулагчид Монголын хууль эрх зүйн болон хөрөнгө оруулалтын орчинд анхаарлаа хандуулж байна.

Fitch агентлагаас энэ 9-р сард Монгол Улсын зээлжих зэрэглэлийг B+, тогтвортой төлөвтэй гэж баталгаажуулсан, OECD буюу Эдийн засгийн хамтын ажиллагааны байгууллага Монгол улсын эрсдэлийн ангиллыг 2025 онд 7-р бүлэгт байсныг 6-р бүлэгт ахиулж үнэлсэн зэрэг үзүүлэлтүүдийг энэ үеэр танилцууллаа.

Мариус Дан нь Franklin Templeton Global Investments компанийн Төв Азийг хариуцсан гүйцэтгэх захирал бөгөөд Бүгд Найрамдах Узбекистан Улсын Үндэсний хөрөнгө оруулалтын санг удирдах үүрэгтэй. Энэ хүрээнд Үндэсний баялгийн сангийн үйл ажиллагаа болон төрийн өмчит компаниудын менежментийн талаар санал солилцлоо.