Засгийн газрын тогтоол, улсын Онцгой комиссын шийдвэрээр өндөржүүлсэн бэлэн байдлын зэрэгт шилжиж, хот хооронд, аймаг сум, сум баг хоорондын автозамын хөдөлгөөнийг энэ сарын 03-ны өдрийн 08.00 цаг хүртэл хаасан. Гэтэл дээрх хугацаа дуусгавар болоогүй байхад иргэн "Х" нь Улаанбаатар хот руу нэвтрэхийн тулд бусдын нас барсан гэрчилгээний хувийг ашиглан хуурамчаар бичиг баримт бүрдүүлэн аймгийн Онцгой байдлын газарт өгчээ. Уг бүрдүүлсэн материалыг шалгахад тухайн иргэнтэй ямар ч холбоогүй болох нь тогтоогдож Зөрчлийн тухай хуулиар хариуцлага хүлээлгэсэн байна. Энэ талаар иргэн "Х"-ээс тодруулахад Улаанбаатар хотод ажилладаг, ажлаа таслахгүй байхын тулд бусдын бичиг баримтыг ашиглаад нэвтрэх бичиг авч болох байх гэж материалаа бүрдүүлж өгсөн талаар ярьсан юм. Иймд иргэн та хэн нэгний баримт бичгийг ашиглан хуурамчаар материал бүрдүүлэхгүй байхыг сэрэмжлүүлэг болгон хүргэж байна.