Иргэний агаарын тээврийн "Хүннү Эйр" компанийн өнгөрсөн сарын 30-ны өдрийн Алматы-Улаанбаатар чиглэлийн нислэгийн зорчигч 23 настай Г-ийн бие нислэгийн явцад таталт өгч мууджээ. Уг мэдээллийг авсан даруйдаа агаарын хөлгийн дарга хамгийн ойрын нисэх буудалд газардаж, зорчигчид эмнэлгийн яаралтай түргэн тусламж үзүүлэх шийдвэр гаргасан байна. Энэ дагуу Хөвсгөл аймгийн Мөрөн нисэх буудалд газардаж, зорчигчид яаралтай түргэн тусламжийн үйлчилгээ үзүүлж, амь насыг нь аварчээ.