Өмнөговь аймгийн Ханбогд сумын Хайрхан багийн /Цагаан хад суурьшлын бүс/ эмч нар зүрхний шигдээс болсон иргэний амь насыг аварчээ. 

Тодруулбал тухайн иргэний зүрх зогссон үед амилуулах суурь тусламжийг таван минутын турш тасралтгүй үзүүлсээр зүрхний үйл ажиллагаа сэргэж, амь нас нь аврагдсан байна. Улмаар биеийн байдал нь тогтворжиж дараагийн шатлалын эмнэлэгт шилжүүлсэн байна. 

Эрдэнэт хүний амь аварсан их эмч М.Мөнхжаргал, Хайрхан багийн эмч О.Ариунаа, Хайрхан эмийн сангийн эм зүйч Н.Мөнхцэцэг нарт гэр бүлийнх нь зүгээс талархал илэрхийлжээ.