Э.Оюунболд аваргад нутгийн зөвлөлөөс нь таван өрөө байр бэлэглэжээ

Э.Оюунболдын Аварга цолыг мялааж Нутгийн зөвлөлөөс нь 5 өрөө байр бэлэглэснийг УИХ-ын гишүүн, ЗГХЭГ-ын дарга, Хэнтий аймгийн Нутгийн зөвлөлийн дарга Л.Оюун-Эрдэнэ, УИХ-ын гишүүн, Монгол Улсын Дархан аварга Б.Бат-Эрдэнэ нар гардуулан өглөө. Энэ үеэр Хэнтий аймгийн Нутгийн зөвлөлийн дарга Л.Оюун-Эрдэнэ "Монгол түмэн цэл залуухан Аваргаа хайр, хүндлэлээрээ өлгийдөн авлаа. Төрийн наадамд 12 түрүүлсэн Их аварга багшийнхаа амжилтад хүрэхийн төлөө түмэн олныхоо итгэлийг даахыг төлөө хичээгээрэй гэж Монгол түмэн захиж байгааг дамжуулъя. Монголын ард түмэнтэй нэгэн адил Хан Бурхан халдун нь хамт хазайж, Хатан Хэрлэн, Онон нь хамт цалгиж, Хан Хэнтийчүүд бахархан наадлаа" хэмээв. Дашрамд дурдахад Улсын залуу Аварга Э.Оюунболд өнгөрсөн жилийн наадмаас хойш ОХУ-д тусгайлсан бэлтгэл хийсэн байна.

Хуушуур 2000 төгрөг хүрчээ

Харин литр айраг литр нь 6000 төгрөгийн үнэтэй байгаа бол нэг аягыг нь дунджаар 3000 төгрөгөөр худалдаалж байгаа аж.

Хүй долоо болон цэнгэлдэхэд гэмт хэрэг, зөрчил бүртгэгдээгүй байна

Тулгар төрийн 2228, Их Монгол Улсын 813, Ардын хувьсгалын 98 жилийн ойн Үндэсний их баяр наадмаар одоогийн байдлаар 12 хүүхэд төөрснийг цагдаагийн алба хаагчид эцэг эх, асран хамгаалагчид нь хүлээлгэн өгчээ. Тиймээс бага насны хүүхдээ гараасаа тогтмол хөтлөн, гар утас, эд зүйлсдээ тавих хяналт, сонор сэрэмжээ дээшлүүлэхийг цагдаагийн байгууллагаас зөвлөлөж байна. Эдгээр өдрүүдэд Хүй долоо худагт цагдаа, дотоодын цэргийн байгууллагаас 1400 гаруй алба хаагч гэмт хэргээс урьдчилан сэргийлэх, таслан зогсоох, нийтийн хэв журам хамгаалах, олон нийтийн аюулгүй байдлыг хангах зорилгоор ажиллаж байгаа. Тэд худалдаа үйлчилгээ эрхлэж байгаа иргэн, аж ахуй нэгжэд гэмт хэргээс урьдчилан сэргийлэх чиглэлээр анхааруулга зөвлөмжийг өгч, бага насны хүүхдийг төөрөхөөс сэргийлж эцэг, эхийн утасны дугаартай бугуйвчийг тараан, гадаадын иргэдэд гэмт хэрэг, зөрчилд өртөж хохирохоос сэргийлэх зөвлөмж өгч байгаа гэнэ. Дашрамд дурдахад, одоогоор гэмт хэрэг, зөрчил бүртгэгдээгүй байна

Их насны морьд гарааны зурхай руу хөдөллөө

Үндэсний их баяр наадмын Их насны морьдын уралдаан тун удахгүй эхэллээ. 320 гаруй морьд гарааны зурхай руу хөдөлж нийт 25 км-т уралдах юм. Ардын хувьсгалын 97 жилийн ойн баяр наадмаар Их насны морьдын уралдааны түрүү магнайд Улаанбаатар хотын Багахангай дүүргийн харьяат Ш.Мөнгөншагайгийн залуу зээрд, аман хүзүүнд Хөвсгөл аймгийн харьяат Б.Саянсанаагийн хээр зоос морь хурдалж, наадамчин олноо баясгаж байсан билээ.

90 кг муудсан махыг устгалд оруулжээ

Хоёр аж ахуйн нэгжийн 90 кг муудсан махыг устгаж, 0.0035мм-ээс доош нимгэн 1200 ширхэг гялгар уутыг хураан авчээ. Мөн хуушуур хийхээр бэлдсэн 76 махны дээж, худалдан борлуулж байгаа айрагны 21 дээж авч лабораторийн шинжилгээнд хамруулжээ.

Хүүхдийг төөрөхөөс сэргийлж зориулалтын бугуйвч зүүнэ

Тулгар төр байгуулагдсаны 2228 жил, Ардын хувьсгалын 98 жилийн ойн баяр наадам 11.00 цагт нээлтээ Төв цэнгэлдэх хүрээлэнд хийнэ. Баяр наадмын үер бага насны хүүхдийг төөрөхөөс урьдчилан сэргийлэх зорилгоор нийслэлийн цагдаагийн газраас эцэг, эх, асран хамгаалагчын утасны дугаар бичих зориулалт бүхий бугуйвчийг зүүж өгч байна.

Морь барианы газар руу автобус 4 минут тутамд явна

Долдугаар сарын 11, 12-ны өдрүүдэд Төв цэнгэлдэх хүрээлэн орох наадамчдад зориулж “Мишээл экспо төв” рүү нийт 13 чиглэлийн 76 автобус, “Дүнжингарав худалдааны төв” рүү 22 чиглэлийн 135 автобус үйлчилнэ.

"Цэцэг төв"-ийн уулзварыг таван хоногийн дараа хаана

Нийслэлийн Чингэлтэй дүүргийн нэгдүгээр хороо, "Цэцэг төв"-ийн уулзварын авто замын хөдөлгөөнийг энэ сарын 16-18-ны өдрийн хооронд хаахаар болжээ. Энэ хугацаанд Хууль зүйн яамны захиалгаар “Хурд Групп” ХХК дулааны шугамын өргөтгөл, шинэчлэлтийн ажлыг хийж гүйцэтгэх юм байна. Иймд хөдөлгөөний эрчим ихтэй уулзварт ажил гүйцэтгэх хугацаанд бусад замыг сонгон, аюулгүй байдлаа ханган хөдөлгөөнд оролцохыг нийслэлийн Авто замын хөгжлийн газраас мэдээллээ.

Газар уснаа явагч...

156 жилийн түүхтэй өвлийн усанд сэлэлтийг төрлийг монголдоо хөгжүүлж өвлийн аялал жуучлалыг өргөжүүлэх алсын хараатай энэ холбоо нь 2019-2020 онд болох дэлхийн цомын 4, дэлхийн аваргын 1 тэмцээнд оролцож чансаагаа бататгах, 2022 оны өвлийн Олимпийн төрөлд оролцох бэлтгэх хангах, 2024 онд Арктик, 2025 онд Антарктид далайд шумбалт хийж тэмцээнд оролцох зорилт тавин ажиллаж байна.