Монгол улсын Зам, тээврийн хөгжлийн сайдын 2019 оны 03 дугаар сарын 25-ны өдрийн 93 дугаарт тушаалын дагуу Гачууртын уулзвараас Налайх-Чойрын уулзвар хүртэлх авто замыг өнгөрсөн сарын 15-ны өдрөөс арваннэгдүгээр сарын 30-ны өдрийг хүртэлх хугацаанд түр хааж зам барилгын ажлыг эхлүүлээд байгаа юм.

Зүүн чиглэлийн тээврийн урсгал, улсын өндөр ач холбогдолтой замыг олон улсын жишигт барьж байгуулахыг Ерөнхий сайдын зүгээс тусгайлан үүрэг өгч ЗТХ-ийн дэд сайд Л.Халтарт хариуцуулсан.

Энэ зам энэ оны аравдугаар сард 100 хувь ашиглалтад орох бөгөөд шороон замаар гаргасан туслах замыг өдөрт гурван удаа усалж байгаа талаар Засгийн газрын Хэвлэл мэдээллийн албанаас мэдээллээ.