Тээврийн цагдаагийн албанд баярын болон амралтын өдрүүдэд нийт 512 дуудлага мэдээлэл хүлээн авсан байна. Үүнээс зам зам тээврийн ослын шинжтэй 433 дуудлага бүртгэгдсэнээс ослын улмаас 1 хүн нас барж 5 хүн гэмтжээ.

Согтууруулах ундааны зүйл хэрэглэсэн үедээ тээврийн хэрэгсэл жолоодсон 60 зөрчлийг гудамж замын хяналт шалгалтаар илрүүлсэн бол 3 жолооч согтуугаар тээврийн хэрэгсэл жолоодон зам тээврийн осолд холбогдсон байна.

Тухайлбал, 2019 оны арванхоёрдугаар сарын 31-ны орой 21.40 орчим Хан-Уул дүүргийн 15 дугаар хороо, Наадам центрийн баруун замд 45-50 насны эрэгтэйг улсын дугаар, марк тодорхойгүй автомашин дайрч ослын газрыг орхин зугтаажээ. Осолдсон иргэнийг ГССҮТ-д хүргэсэн боловч нас барсан байна.

Уг хэргийг Тээврийн цагдаагийн албаны Эрүүгийн цагдаагийн хэлстийн алба хаагчид  эрэн сурвалжилж энэ сарын 1-ний өдөр осол гаргаж, хэргийн газраас зугтаасан этгээдийг илрүүлж, шалгалтын ажиллагааг үргэлжлүүлж байна.