Д.Эрдэнэбилэгт холбогдох шүүх хурлыг хойшлуулсан байна
Нийслэлийн прокурорын газраас Д.Эрдэнэбилэгт цагдан хорих, таслан сэргийлэх арга хэмжээ авахуулах тухай санал ирүүлснийг Сүхбаатар дүүргийн Эрүүгийн хэргийн анхан шатны шүүх хүлээн авч эхлүүлсэн. Түүний өмгөөлөгч Б.Даваажанцан шүүгчээс татгалзсан тул асуудлыг тухайн дүүргийн ерөнхий шүүгч хянах хүртэл хугацаагаар шүүх хуралдааныг хойшлуулсан байна.
Зургаан сарын 10-наас зуслангууд ажиллаж эхэлнэ
Жилд дунджаар 20 мянган хүүхэд нийслэлийн ногоон бүсийн зусланд амардаг гэх судалгаа бий. Тэгвэл энэ жил 20 зуслан үйл ажиллагаа явуулахаар бэлтгэл ажлаа бүрэн хангажээ. Зуслангуудын нэгдүгээр ээлж зургаа дугаар сарын 10-ны өдрөөс ажиллана.
Г.Батхүү агсныг маргааш хөдөөлүүлнэ
Талийгаач Г.Батхүү агсныг энэ сарын 24-нд буюу баасан гаригийн өглөө хөдөөлүүлэхээр болжээ. Түүнийг Соёлын төв өргөөнөөс гаргах бөгөөд 05:40-07:40 цагийн хооронд талийгаачтай салах ёс гүйцэтгэх ажиллагааг зохион байгуулахаар Төрийн ёслолын алба ажиллаж байна.
“Улаанбаатар травел экспо 2019” үндэсний аялал жуучлалын үзэсгэлэн болно
Тус үзэсгэлэнг тав дахь жилдээ зохион байгуулж байгаа бөгөөд энэ үеэр иргэд аяллын маршрутын цогц мэдээлэл, аяллын даатгалын иж бүрэн үйлчилгээ, аялал жуулчлалын шинэ чиг хандлагын талаарх лекц хэлэлцүүлэг, 21 аймгийн байгалийн цогцолборт газрууд, рашаан сувилал, аяны хэрэгслийн талаарх мэдээллийг авах боломжтой аж. Мөн БНХАУ-ын цайны соёлын танилцуулга, БНСУ-ын эрүүл мэндийн аялал жуулчлал, Тайванийн төлөөлөгчийн газар гэх мэт авиа компаниудын шинэ аяллын маршрутыг танилцуулах юм байна.
Бадминтоны аваргууд тодров
Монголын бадминтон сонирхогчдын холбооноос зохион байгуулж буй насанд хүрэгчдийн XVI, Пара бадминтоны улсын аварга шалгаруулах II тэмцээн 5 дугаар сарын 14-16-ны өдрүүдэд ЗГХА-ийн БТСГ-ын "А" зааланд гурван өдрийн турш боллоо.
БНСУ-ын визний хариу гурван сарын дараа гарна
БНСУ-аас Монгол Улсад суугаа Элчин сайдын яам виз мэдүүлж буй иргэдийн материалыг ажлын 50 хоногт шалгадаг байна. Сүүлийн жилүүдэд тус улсыг зорихоор виз мэдүүлж буй иргэдийн тоо нэмэгдэж байгаа. Виз мэдүүлсэн иргэн хариугаа 10 долоо хоног буюу 90 хоногоос дээш хугацаанд авч байгаа юм байна.
Жолооны үнэмлэх авах, сэргээлгэх хүмүүс маргааш Сүхбаатарын талбайд очоорой
Замын хөдөлгөөний дүрмийг баталсан өдрийг тохиолдуулан Сүхбаатарын талбайд нээлттэй хаалганы өдрийг зохион байгуулна. Нээлттэй хаалганы өдөрлөг 11.00-16.00 цагийн хооронд болох бөгөөд жолооны эрх сэргээх шалгалт авах, жолоодох эрхийн үнэмлэхийг шинээр болон дахин олгох, хаяж гээгдүүлсэн үнэмлэхийг дахин олгох, эрхээ хасуулсан иргэдийн эрхийг сэргээх зөвлөгөө мэдээлэл өгөх, автомашины дугаарын давхцалыг шалгах, албан журмын даатгал, бүх төрлийн лавлагаа мэдээлэл зэрэг төрөөс үзүүлдэг бүх үйлчилгээг нэг дор түргэн шуурхай үзүүлнэ
Эмчилгээтэй байсан гурван хүүхдийг хайрцганд хийж тээвэрлэхийг завджээ
Хөвсгөл-Улаанбаатар чиглэлийн хот хоорондын автобусанд гурван хүүхдийг хайрцаганд хүлж, тээвэрлэхийг завджээ. Тодруулбал, тус аймгаас гурван хайрцагтай дайвар дээрх автобусанд дайлгасан аж. Гэвч хайрцаг хөдлөөд байсан тул жолооч задалж, шалгатал бага насны гурван хүүхэд дотор нь байжээ.
Шар тэмдэглэл дээр зогсч түгжрэл үүсгэвэл хариуцлага тооцно
Өнөөдрөөс эхлэн жолооч нарт хяналтын камерын автомат системийг ашиглан уулзвар дээрх түгжрэлийг бууруулах ажил эхэлнэ. Зөвшөөрсөн ногоон гэрэл дохио ассан ч таныг угтаж авах уулзвар шингээлт муу, та нэмэгдэж ороход уулзвар чагтлагдах хэмжээнд байгаа тохиолдолд таныг уулзвар руу орохыг хориглох юм. Үүнийг зөрчсөнөөр уулзвар дээрх түгжрэл дээд цэгтээ хүрдэг гэж Тээврийн цагдаагийн албанаас мэдээллээ. Монгол Улсын Замын хөдөлгөөний дүрмийн 15.2 р зүйл Уулзварыг бүрэн гүйцэд нэвтрэн гарах боломжийг хязгаарласан түгжрэл, саатал бий болсон үед жолооч (уулзвар нэвтрэх давуу эрхтэй буюу зөвшөөрсөн гэрэл дохио асаж байгаа эсэхээс үл хамааран) уулзвар руу орохыг хориглоно Харин 15.7-р зүйлд заасанчлан зөвшөөрсөн гэрэл дохио асах үед уулзвар нэвтрэх үйлдлээ дуусгаж байгаа тээврийн хэрэгслийн жолооч, зорчих хэсгийг хөндлөн гарч амжаагүй яваа явган зорчигчид зам тавьж өгч байгаа жолооч нарт хариуцлага тооцохгүй байхаар програмчилсан байна. Шар тэмдэглэгээг Улаанбаатар хотын хамгийн их түгжирдэг • Цэцэг төв, • Багшийн дээд, • Цаг уур, орчны шинжилгээний газар, • Үндэсний төв музейн уулзвар гэсэн нийт нийслэлийн дөрвөн томоохон уулзварт хийсэн билээ.
III эмнэлэг Ангиографийн аппараттай боллоо
2018-2019 оны улсын төсвийн хөрөнгө оруулалтаар судсан дотуурхи оношилгоо эмчилгээний зориулалттай орчин үеийн өндөр хүчин чадалтай Philips брендийн Azurion 3M15 загварын Ангиографийн аппаратыг суурилуулан, өнөөдөр хүлээн авлаа
