Г.Занданшатар: Банкууд ашгийн хувиа багасгаж, зээлийн хугацааг хойшлуулах ёстой
О.Ариунтуяа: БНХАУ-ын Хубэй муж хөл хориогоо цуцалж эхэлсэн
Эрүүл мэндийн яамнаас хийсэн ээлжит мэдээллийн үеэр ДЭМБ-ын мэргэжилтэн О.Ариунтуяа улс орнуудыг нөхцлийг танилцууллаа.
Тэрбээр "ДЭМБ-ын мэдээгээр дэлхийн 196 улсад COVID-19 халдварын 375,498 батлагдсан тохиолдол бүртгэгдэж, 16,362 хүн өвчний улмаас нас баржээ. Итали, АНУ, Испани, Герман, Франц, Иран зэрэг орнуудад өдөрт 1,000-10,000 шинэ тохиолдол нэмэгдэж, тархалт хурдацтай нэмэгдэж байгаа бөгөөд Итали улсад нас баралт 10.3 хувьтай байна.
Испанид сүүлийн гурван хоногт тохиолдлын тоо хоёр дахин ихэссэн нь Итали болон БНХАУ-д өмнө ажиглагдаагүй юм. Тухайлбал, Италид гарсан нийт тохиолдлын 80 хувь нь хойд гурван муждаа гарч байгаа бол Испани улсад гурван мужаас зургаа болон өргөжөөд байна. Өнөөдрөөс БНХАУ-ын Хубэй муж хөл хориогоо цуцалж эхэлсэн. Ухань хотын хөл хориог дөрөвдүгээр сарын 8-наас эхлэн цуцална.
БНХАУ-д өдөрт 20 мянга орчим зорчигч олон улсын нислэгээр очиж, хоёр долоо хоногт 280 мянга гаруй хүн хилээр нэвтэрч байгаа нь халдвар импортлогдон орох эрсдэл бий болгож, тусгаарлах байрны хүрэлцээг нэмэгдүүлэх шаардлага үүсээд байна. Харин дотоодын халдварыг тус улс хязгаарласан гэж үзсэн тул бизнесийн үйл ажиллагаануудыг шат дараатайгаар эхлүүлж, хэвийн амьдралын байдалдаа эргэн орж байна" гэлээ.
