500 гаруй хятад иргэнийг баривчилжээ
"Амар", "Кентавр", "Юнион", "Ориентал" зэрэг дөрвөн зочид буудалд байрлаж байсан 500 гаруй хятад иргэнийг цагдаа, тагнуулын байгууллагаас өчигдөр орой баривчилсан байна. Тодруулбал, Баянзүрх дүүрэгт байрлах "Амар" зочид буудлаас 200 орчим, Баянгол дүүрэгт байрлах "Кентавр" зочид буудлаас 80 гаруй хятад иргэнийг баривчилжээ. Тагнуулын байгууллагаас хятад иргэдийг гар утас, компьютер ашиглан цахимаар санхүүгийн луйвар хийсэн байж болзошгүй гэж үзэн баривчлаж, шалгах арга хэмжээг авсан гэнэ. Хятад иргэдийн ашиглаж байсан техник, төхөөрөмжүүдийг баримтжуулан, хураасан аж.
Улаанбаатарт 13 хэмийн дулаан байна
Говийн бүсийн нутгаар багавтар үүлтэй, бусад нутгаар үүлшинэ. Хөвсгөл, Булган, Сэлэнгийн хойд хэсгээр ялимгүй цас орно, бусад нутгаар цас орохгүй. Салхи баруунаас секундэд 7-12 метр, төвийн аймгуудын нутгийн зүүн хэсэг, зүүн аймгуудын зарим газраар түр зуур секундэд 18-20 метр хүрч шороон шуурга шуурна. Дархадын хотгор, Хангай, Хөвсгөл, Хэнтийн уулархаг нутаг, Завхан голын эх, Хүрэн бэлчир орчим, Идэр, Тэс, Туул, Тэрэлж голын хөндийгөөр 4-9 хэм, Их нууруудын хотгор болон говийн бүсийн нутгаар 12-17 хэм, бусад нутгаар 8-13 хэм дулаан байна.
Дуучин Б.Амархүүд хоёр жил хорих ял оноолоо
Дуучин Б.Амархүү 2019 оны есдүгээр сарын 19-нөөс 20-нд шилжих шөнө зочид буудлын гадна зогсоолын талбайд өөрийн машиндаа хар тамхи, мансууруулах бодис хэрэглэж байгаад ЦЕГ-ын Хар тамхитай тэмцэх газрын алба хаагчдад баригдсан. Нийслэлийн прокурорын газраас дуучин Б.Амархүүд холбогдуулан Эрүүгийн хуулийн тусгай ангийн 20.7 дугаар зүйлийн 1 дэх хэсэгт зааснаар яллах дүгнэлт үйлдэн хэргийг Хан-Уул дүүргийн Эрүүгийн хэргийн анхан шатны шүүхэд шилжүүлсэн. Б.Амархүүд холбогдох хэргийн шүүх хурал өнөөдөр боллоо. Анхан шатны шүүхээс түүнд хоёр жилийн ял оноосон юм. Тэрбээр шүүх хурлын үеэр хар тамхи хэрэглэсэндээ гэмшиж байгаагаа хэлж байлаа.
Нийслэлийн 380 жилийн ойд зориулсан барилдаанд 256 бөх зодоглож байна
Нийслэлийн түүхт 380 жилийн ойд зориулсан улс, аймгийн цолтой 256 бөхийн барилдаан Монгол бөхийн өргөөнд эхэллээ. Бөхийн барилдааны зүүн жигүүрийг Монгол Улсын аварга Н.Батсуурь, баруун жигүүрийг Монгол Улсын арслан П.Бүрэнтөгс манлайлан барилдаж байна.
Шуурхай удирдлага зохицуулалтаар хангагдах боломжтой боллоо
Тус төвийн видео хурлын төхөөрөмж, холбооны радио станц, дрон, байршил тогтоогч, хяналтын камер, өнгөт принтер, гал түймэр унтраах, аврах багаж зэвсэглэмж зэрэг техник хэрэгслийг сум, орон нутгийн хөрөнгө оруулалтаар тохижуулан, үйл ажиллагааг нь эхлүүлээд байна.
Гамшгийн эрсдэлийг бууруулах төлөвлөгөө боловсруулав
Энэ үеэр сургуулийн удирдах албан тушаалтнуудад гамшгийн эрсдэлийг бууруулах мэргэжил, арга зүйн зөвлөгөө, зөвлөмжийг өгч ажиллалаа.
148.4 тонн түүхий нүүрс хураажээ
Нийслэл, дүүргийн цагдаагийн газар, хэлтсийн 730 алба хаагч, 130 олон нийтийн цагдаа, урамшилт эргүүл ажиллаж 9,681 айл өрх, 213 аж ахуйн нэгж, байгууллагын уурын зуух, 30 сайжруулсан шахмал түлш борлуулах дундын бөөний төв, 305 түлш борлуулах цэгийн үйл ажиллагаанд хяналт, шалгалт хийжээ.
Налайхын замын хөдөлгөөнийг нээхэд зургаан хоног үлдлээ
Налайх чиглэлийн 20.9 км замын хөдөлгөөнийг Нийслэлийн 380 жилийн ойн өдөр буюу энэ сарын 29-ний өдөр нээхээр төлөвлөн ажиллаж байгаа юм. Хотын захирагч С.Амарсайхан өчигдөр орой уг замын ажлын явцыг шалган ажиллалаа. Нийслэлийн Авто замын хөгжлийн газрын дарга Ж.Тогтохбаяр “Хөрсөн дээр цочир хүйтэрч, өглөө оройдоо ажиллахад багахан хүндрэл учирч байна. Гэсэн хэдий ч бид хугацаандаа амжиж ажлаа дуусгана” гэлээ. Нийслэлийн Засаг дарга бөгөөд Улаанбаатар хотын Захирагч С.Амарсайхан “Замын ажлыг товлосон хугацаанд нь хийж дуусгахдаа чанар, стандартын горимыг алдуулахгүй байх хэрэгтэй” гээд үндсэн замын ажлаас гадна үлдэж буй ажлуудыг тогтоосон хугацаанд нь хийж гүйцэтгэхийг үүрэг болгосон юм.
20 гаруй тонн түүхий нүүрс нуун далдалж байсныг илрүүлжээ
Сонгинохайрхан дүүрэг дэх цагдаагийн газраас түүхий нүүрс худалдан борлуулахаас урьдчилан сэргийлэх зорилгоор хяналт шалгалт хийж байна. 2019 оны 10 дугаар сарын 22-ноос 23-нд шилжих шөнө тус дүүргийн нэгдүгээр хорооны нутаг дэвсгэрт оршин суух иргэн “Э”-ийн хашаанд 20-25 тонн түүхий нүүрсийг худалдан борлуулах зорилгоор нуун далдалж байсныг илрүүлж Мэргэжлийн хяналтын байгууллагад шилжүүлэн өгсөн байна.
3200 тонн түүхий нүүрс оруулахыг завджээ
Үүрэг гүйцэтгэх хугацаанд шалган нэвтрүүлэх цэгээр 193 тээврийн хэрэгслээр 3200 тонн түүхий нүүрс Улаанбаатар хот руу тээвэрлэснийг тогтоож, агаарын чанарыг сайжруулах бүсэд түүхий нүүрс нэвтрүүлэхгүй байж, буцаах арга хэмжээ авчээ.
