Эрүүл мэндийн яамын ээлжит мэдээллийн хүрээнд улсын хэмжээнд сүүлийн 24 цагийн хугацаанд 1,443 иргэн коронавирусийн халдвараар өвчилснийг, PCR шинжилгээгээр баталжээ.

Шинээр илэрсэн тохиолдлуудын бүгд дотоод халдвар аж. Үүнд: 

• 841 нь Улаанбаатар хотод,
• 599  нь орон нутагт бүртгэгджээ.

Энэ хугацаанд коронавируст халдварын улмаас 41-80 гаруй насны 11 хүн нас баржээ. Өнөөдрийн байдлаар "Ковид-19"-ийн халдварын улмаас нийтдээ 1,649 хүн эндээд байна.

Одоогоор халдварын улмаас улсын хэмжээнд 17,397 иргэн эмнэлэгт хэвтэн эмчлүүлж байна.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 8,189
• Хүндэвтэр - 6,716
• Хүнд -2,127
• Маш хүнд - 365 хүн байна.