С.Амарсайхан: Үндэсний аюулгүй байдал бол хамтын үүрэг хариуцлага юм
Хотын дарга сурагч солилцооны хөтөлбөрт хамрагдсан хүүхдүүдтэй уулзлаа
Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр Денвер хотын “Луби-Женкинс сурагч солилцооны хөтөлбөр”-т хамрагдсан хүүхдүүдийг хүлээн авч уулзлаа. “Зориг сан”-аас Улаанбаатар-Денвер эгч дүү хотуудын зөвлөлтэй хамтран "Луби-Женкинс сурагч солилцооны хөтөлбөр"-ийг санаачлан 14 дэх жилдээ хэрэгжүүлж байгаа аж. Уг хөтөлбөр нь ахлах ангийн сурагчдыг сонгон шалгаруулж, тухайн сурагчдад найман сар төрөл бүрийн сэдвээр сургалтад хамруулж, бичил төсөл хэрэгжүүлдэг байна. “Төсөлд хамрагдсан сурагчдаас шилдэг тав нь зуны амралтаараа АНУ-ын Денвер хот руу соёл, боловсролын солилцоогоор явах гэж байна. Денвер хотоос таван сурагч, нэг багшийн хамт зургаадугаар сард 14 хоногийн хугацаатай Монгол улсад сурагч солилцооны шугамаар зочлон ирж, харилцан туршлага солилцсон” хэмээн “Зориг сан”-ийн ажилтан Б.Гэрэлмаа танилцууллаа.
Машин өнхөрсний улмаас нэг хүн нас баржээ
Энэ сарын 21-ний өдрийн 00.50 цагийн орчимд Төв аймгийн Баянчандмань сумын Эрдэнэ баг “Хөх хошуу” гэх газар Kia Frontier маркийн автомашин өнхөрч жолооч 24 настай, эрэгтэй М нь Isuzu Forward, Kia Frontier автомашинуудын дунд хавчуулагдан нас баржээ.
Мэргэжлийн сумо бөхийн Нагоя башёгийн банцүкэг зарлажээ
Японы мэргэжлийн сумо бөхийн холбооноос долдугаар сард Нагоя хотноо болох тэмцээний банцүкэг зарласан бөгөөд зүүн жигүүрийг 71 дэх Их аварга Какүрюү М.Ананд манлайлж, 69 дэх Их аварга Хакүхо М.Даваажаргал барууны манлайд бичигджээ. Хакүхогийн Их аварга цолтой 72 тэмцээнд зодоглосон амжилтаар түүхэнд нэгдүгээрт жагсдаг бол Какүрюү Их аварга /Ёкозүна/ цолтой 32 башёд барилдсан нь 10-т бичигдэх амжилт юм байна.
Туулын бургасыг сүйтгэсэн найман аж ахуйн нэгжид нөхөн төлбөр тооцуулахаар болжээ
Нийслэлийн мэргэжлийн хяналтын газраас Туул голын дагуух газар олголт хийсэн аж ахуй нэгжид хийсэн хяналт шалгалт хийсэн талаараа мэдээлэл хийлээ. Туул голын хамгаалалтын бүсэд газар зөвшөөрөлгүй эзэмшиж байгаа 52 айл, аж ахуйн нэгжийг нүүлгэх шийдвэрийг 2018 онд гаргасан байна. Мөн иргэдээс ирүүлсэн мэдээллээр бургас сүйтгэсэн байж болзошгүй 27 аж ахуйн нэгжид шалгалт хийснээс бургас сүйтгэсэн найман аж ахуйн нэгжид нөхөн төлбөр тооцуулахаар албан бичиг илгээжээ.
Драгон төвийн үйл ажиллагааг зогсоожээ
Шалгалтаар тус Драгон төвийн барилгын дээврээс ус гоожиж хана, тааз хөгцөрсөн, хананы өнгө янз бүр тортог тогтож халтартсан, таазны төмөр сараалжнууд хугарсан, хаалганы плита ховхорч скочоор наасан, мэрэгч амьтан, шавьж үүрлэсэн зэрэг зөрчил илэрчээ.
Сургууль, цэцэрлэгийн засварыг 8 дугаар сарын 15-н гэхэд дуусгахыг үүрэг болгов
Ирэх хичээлийн жил эхлэхэд гурван ээлжийн сургуульгүй болох, бүх хүүхдийг цэцэрлэгт хамруулсан байх Засгийн газрын үйл ажиллагааны хөтөлбөрийн зорилтыг хэрэгжүүлэх үүднээс Боловсрол, соёл, шинжлэх ухаан спортын яам боловсролын салбарын хөрөнгө оруулалтын ажлыг эрчимжүүлэхэд чиглэсэн тодорхой арга хэмжээнүүдийг авч байна. Боловсрол, соёл, шинжлэх ухаан спортын дэд сайдаар ахлуулсан ажлын хэсэг өнөөдөр хуралдаж, нийслэлийн зургаан дүүрэгт хийгдэж байгаа сургууль, цэцэрлэгийн хөрөнгө оруулалтын явц, байдал, тулгамдсан асуудлыг нэг бүрчлэн хэлэлцлээ. Уулзалтад БСШУСЯ-ны газрын дарга нар, Нийслэлийн боловсролын газар, дүүргүүдийн боловсрол соёл урлагийн газар, Барилгын хөгжлийн төв, Нийслэлийн мэргэжлийн хяналтын газрын удирдлагууд оролцлоо.
Усанд урсаж явсан дөрвөн иргэний амийг аварчээ
Өнгөрсөн амралтын өдрүүдэд нийт 6 удаагийн дуудлагаар ажиллаж, усанд урсаж явсан 4 иргэний амь насыг авран хамгаалжээ.
Д.Отгончимэг: Батгыг ямар ч сорвигүй эмчилж эдгээдэг нь манай давуу тал
Батга бол эдгэрдэг өвчин. Эмчилгээ хийлгэж байгаа хүүхдүүд эдгэрэхгүй өвчин тусчихсан юм шиг сэтгэлээр их унасан байдалтай байдаг. Тухайн хүн зөв эмнэлэг, арьс гоо заслын эмчид хандах хэрэгтэй. Ирж үйлчлүүлдэг хүмүүс хэр баталгаатай вэ гэж асуудаг. Одоогоор олон хүнийг ямар ч сорвигүй эмчлээд эдгээсэн. Нэмж гардаггүй нь эмчилгээний давуу тал. Эмчилгээ хийлгээд шууд зүгээр болно гэж байхгүй. Эмчлүүлэх тусам арьс эрүүлжиж байдаг. Цаг хугацаа өнгөрөх тусам арьс сэргэж, алдагдсан бланс тэнцвэржинэ.
ЭМД-ын хөнгөлөлтөөр үйлчлүүлэх боломжтой сувиллын жагсаалт
Урин дулааны улиралд иргэд рашаан сувилалд амарч алжаалаа тайлж, эмчилгээ хийлгэдэг. Тэгвлэ энэ жил улсын хэмжээнд Эрүүл мэндийн даатгалын байгууллагатай гэрээ байгуулан ажиллаж байгаа 57 рашаан сувиллын газар байдаг. Тухайн газрууд эрүүл мэндийн даатгалд даатгуулсан иргэдэд рашаан сувилал, сэргээн засах сувиллын үйлчилгээг үзүүлдэг байна. Хүүхэд, хөгшид төдийгүй даатгал төлсөн хүн бүхэн долоо хоног эмчлүүлж, сувилуулахад 110 мянган төгрөгийн хөнгөлөлт эдлэх боломжтой гэнэ. Хөнгөлөлт эдлэхийг хүссэн хүн өрхийн эмнэлгээсээ өөрийн карттай байх хэрэгтэй юм байна.
Нефтийн үнэ өсжээ
АНУ-ын цэргийн дроныг Иран сөнөөж, Ойрхи Дорнодод зэвсэгт мөргөлдөөн үүсэж болзошгүй нөхцөл байдал үүссэнтэй холбоотойгоор нефтийн үнэ пүрэв гарагт өссөн байна. АНУ-ын “WTI” маркийн нэг торх нефтийн үнэ 2.89 ам.доллараар /5.4 хувь/ өсөж, 56.65 ам.долларт хүрчээ. Өнгөрсөн оны 12 дугаар сарын 26-наас хойш нефтийн үнэ нэгээс их ам.доллараар өссөн анхны тохиолдол энэ болжээ. Мөн “Brent” маркийн нефтийн нэг торхын үнэ 64.45 ам.долларт хүрсэн нь 2.63 ам.доллараар /4.3 хувь/ өсжээ.
