УИХ-ын гишүүн Б.Дэлгэрсайханыг БНХАУ-ын иргэнийг зодож, бэртээсэн гэх мэдээлэл нийгмийн сүлжээнд цацагдсан.

Цагдаагийн байгууллагаас өгсөн мэдээллээр “Иргэн Д-тэй холбоотой мэдээллийг Чингэлтэй дүүргийн цагдаагийн хэлтэст шалгаж эхэлсэн” гэж буй. Харин УИХ-ын гишүүн Б.Дэлгэрсайхан “Би тийм хүн огт танихгүй. Хоёрдугаарт, энэ асуудлыг цагдаагийн байгууллага шалгаж байгаа. Би олон сар таягтай явж байна, яаж хүн зодох вэ дээ. Энэ бол худал мэдээлэл” гэдэг хариулт сэтгүүлчдэд өглөө.